煩夠未呀？

在我忙得要死的一天，我的學生在廁所打架。

老獅：點解打交？
學生：咪煩啦！
老獅：我都想唔煩你，你唔打交，我就唔會煩你。
學生：打交之嘛，我日日都打啦！好平常。
老獅：我覺得自己真係好失敗，教左你兩年都教唔識你打交係唔岩。
學生：你失敗係你既事，唔關我事！
老獅：你覺唔覺得自己好過份？
學生：唔覺喎！煩完未呀？你返入課室教書啦！
老獅：我都只係想知你點解打交姐。
學生：打交咪打交囉！無得解。
老獅：我想聽你自己講，唔想第三者話比我聽。
學生：想知你問主任啦！頭先寫哂落紙啦！你唔識字架？自己去睇啦！
老獅：點解你一定要令到關心你既人傷心？你媽咪已經有心臟病。
學生：無人叫你關心我架，你可以唔關心我。
老獅：我唔會放棄你。唔好諗住用咁既態度同我講野，我就會唔理你。
學生：你最好唔好理我啦！你唔理我仲好。
老獅：你係唔係好想身邊無人理你？
學生：我大把好朋友支持我、關心我。
老獅：佢地點關心你呀？
學生：佢地幫我頂罪呀！入左男童院呀！你會唔會幫我頂呀？
老獅：我覺得佢地害左你，等你以為做咩都有人頂，闖既禍越來越大。
學生：我唔覺喎！
老獅：我唔想你趕走哂關心你既人，我怕你後悔既時候已經太遲。
學生：走哂咪走哂囉。煩夠咪呀？
老獅：我再講多一次，無論你點對我，我都唔會放棄你！

我沒用，忍不住淚流滿面。這些年來，還是頭一次。真的很心痛，盡心盡心教導他兩年，希望他能改過，可是他的態度一天比一天惡劣。這是唯一一次他這樣對我，以往他犯規，在我面前，總會低頭聽我講道理，還會承諾不再做錯。今天，他看到我的眼淚，眼神閃過一絲不安，復又倔強依然。唯一安慰的是，他放學時主動跑過來跟我道歉，至少，他在意我是否還關心他，算成功了，唉！