時光倒流至1998年。那年，待業。求職信有一封沒一封寄著，忽然來一個世界盃，肆無忌憚的看，反正白天可以睡個夠，名副其實的全情投入。最愛聽《球迷奇遇記》，音樂一起，情緒馬上高漲，還和瑮頭鬥rap，無聊又有趣。每晚都期待看克勤、阿叔、阿叻講波，還記得克勤那頭紅毛卷髮嗎？tvb播世界盃真的比cable好看多呢！超喜歡看球員們扭波交波，他們的團隊精神也教我感動不已，不管是入波時擁作一團、歡喜若狂的興奮，還是互射十二碼時愁眉深鎖、頹然呆坐草地的無奈，我也跟他們同喜同悲。
要不是2006世界盃，還真的記不起八年前的我，是多麼無憂無慮。像今晚，考慮了很久，還未能決定應否爬起來看巴西對克羅地亞。救命呀！
特意貼上歌詞，瑮頭，什麼時候一起再rap過？
《球迷奇遇記》
作曲 : 江港生 / 克勤
填詞 : 克勤
起來 起來 起來 起來
今晚大家不想去街
起來 起來 起來 起來
坐低又起身博命嗌
起來 起來 起來 起來
睇波順便睇吓波鞋
起來 起來 起來 起來
場場場面偉大
腳腳腳法古怪
人人人浪最 High
懶理你是有錢或窮人
即使三更半夜無得訓
即使三個眼袋仍甘心
還樂意在每晚發出這聲音 噓...噓...
睇波一家大細最興奮
過癮在各自變左對頭人 哈...哈...
球迷來自遠近 法國靚女吸引
全情投入氣氛
朗拿度個光頭就好可愛
施丹都有個地中海
柏金就最怕搭飛機去比賽
卡路士既罰球就攞晒彩
碧咸同辣妹就真心相愛
華達拉馬個髮型就死都唔改
巴治奧唔入選就唔應該
等多四年咪要好耐
7 comments:
仲起來!!??
我著十號
作曲：陳輝陽｜填詞：李克勤｜
留名於金杯只有一個
我著十號 只因喜愛邊個
著去球場 不擔心無位坐
我撐隊隊 不必另唱國歌
由細到大 都關心踢波
你著十號 交波不會交錯
超級後衛幾多都扭得過
裡應外合 我會為你唱歌
贏輸都開心興奮過
*努力向前衝 像有金鐘罩 像有金剛炮 殺敵過河
努力去防守 滴雨都不怕 滴血都不怕 踢出火
留名於金杯只有一個*
森巴十號 扭一扭笑一笑
法國十號 好少剪髮需要
英軍十號 兼職賣貴價手錶
目標得一個出發了
repeat *
同成班friend踢波最好不過
我唔鍾意巴西!
我鍾意大利!
kat,
《球迷奇遇記》呢首歌確實係世界盃之歌。
阿叔講波好睇又好笑。
里玉,
我以前都捧意大利﹗不過，是有巴治奧的意大利﹗
勤迷：
susan話齋，《球迷奇遇記》呢首歌確實係世界盃之歌呀。
里玉：
睇完第一場，有d擔心巴西！
susan：
唔止阿叔呀，今年仲有伍晃榮呀！等到決賽就睇tvb啦！
上星期有一日睇無線，阿叔彈阿根廷不應該入了兩球就只守不攻：「兩球在手，點解唔攻？根本大把本錢，就算全取3分又如何，第時同分都要計得失球……完全唔明教練點解咁決定，我-唔-同-意！」
阿叔即係阿叔，講句野都有台型過人！
更聽王生回憶，當年李克勤問阿叔：你點睇朗拿度個頭(河童頭)？
阿叔：不-知-所-謂！
講到歌，咩10號球衣真係要行埋一邊，完全同《球迷》無得揮！最好永遠翻播，改下RAP個段就FIT晒。
KAT，下次唱K，一定要唱！
養兵千日，用在一時，朗拿度醒啦……
瑮：
唉，我都想佢醒d呀，比人咁話法：「我都未見過有180磅神射手」！我同佢一齊減肥啦！哈哈！
oooo,
上屆個首真係無印象，哈！
上屆個首咪好似急口令咁囉！都唔係好好聽！
Post a Comment