Saturday, June 27, 2009

觀點與角度

7月將至,心裡在盤算C要好好和我慶祝這個特別的生日──我們最後的二人世界生日。

我:喂!就快7月啦,你好快D諗下帶我去邊度食飯慶祝,呢個生日好特別架!
C:有咩特別呀?
我:你自己諗下啦!

苦思片刻後........
C:哦,係你馱住大帝既生日囉!好特別!

唉......

Saturday, June 20, 2009

First Gift from 姑姑姐


嗱,大帝,講明先,係得呢一套架咋,媽媽唔捨得買多套比你架!

姑姑姐好厲害啊!竟然知道媽媽愛死了這個童裝品牌。不過,我們擁有一套就夠了!媽媽答應你,待你滿月那晚,穿上這套猴子裝,讓你成為名副其實的「侯子B」,哈哈!

Friday, June 12, 2009

對話

問:係咪一路停課架喇?唔使返學啦係咪?我想帶佢地返大陸呀!
答:唔好,而家暫時都係停課14日,6月23日會再有公佈,況且有關當局都唔鼓勵帶子女外遊架!

問:而家佢係屋企無野做喎!好得閒喎!咁點先?
答:......

問:點解要取消考試呀?
答:我地都係根據教育局既指引而決定既。
問:咁都得呀?

問:你話係咪仲會繼續停課?我睇就會喇!
答:我諗大家都係唔好估估下,都係留意教育局既宣佈啦!

問:使唔使返學校攞通告呢?
答:唔使,我地會寄比你。
問:即係點呢?
答:即係我地會以郵寄方式,將D通告寄去你屋企。
問:寄去我屋企?咁幾時?
答:大概下星期一或星期二啦!
問:咁幾點?
答:下?咁你或者可以查下你住既大廈既郵差幾點派信啦!

Monday, June 08, 2009

First Letter

J,

不經不覺,你已五個月大了!你知道嗎?媽媽平生第一次期待別人大力踢我。昨天,爸爸的手放在我的肚皮上,你用盡力一踢,遲鈍的爸爸終於感覺到你的力量了!我覺得你偏心,每次聽到爸爸的聲音,你也會手舞足蹈。媽媽每天跟你聊天,你都不是每次給我回應。我知道,將來,你們兩父子一定會聯手欺負我。

媽媽很想在這炎熱的天氣下,吃一碗辛辣麵和喝一罐冰凍的可樂,可以嗎?我不知道可以忍多久。幾乎每晚,爸爸總會從冰箱裡拿一罐可樂在我面前晃來晃去,我央他給我喝一口。那一口,我一直讓它停留在口腔裡,不是在回味,而是待它變暖了才吞下肚。真的只有你,才能夠令我把美食拒諸門外!

同事教我每天給你講一個英文故事,天呀!真是一件苦差。對著自己的肚皮講故事,難度很高呢!可不可以待你出世後,我們才一起講故事呢?媽媽現在的時間都不夠用,為著你的來臨,每天都忙得很。我們就聊聊天好了,暑假時才給你講故事吧!

M